200 ساڵە لەم حوجرەیە قورئان لەبەردەکەن
964+
دیلان محەمەد – سلێمانی
نزیکەی 200 ساڵە حوجرەیەکی تایبەت بە لەبەرکردنی قورئان بە نابینایان ھەیە لەناو مزگەوتی گەورەی شاری سلێمانی و چەندین نابینا لەم حوجرەیەدا پێگەیەندراون.
مەلا عەبدوڵا حەمە ئەمین یەکێکە لە کۆنترین نابیناکانی ئەو حوجرەیە و ماوەی 58 ساڵە لەوێیە و لە ئێستادا مامۆستایە، بە 964ی وت “ئەم حوجرانە لە سەردەمی کاک ئەحمەدی شێخەوە ھەبوون و ژمارەیان شەش حوجرە بووە و پڕ بوون لە خوێندکار”.
کاک ئەحمەدی شێخ نزیکەی 200 ساڵ لەمەوپێش حوجرەی شێخ مەعروفی نۆدێیی تایبەت بە نابینایان کردووەتەوە، بەمەبەستی ئەوەی فێری قوئان خوێندن ببن و خۆیان بژێوی ژیانیان پەیدا بکەن و دوور بن لە پیشەی سواڵکردن.