342 خوێندکارى ناوچە دابڕاوەکانیش وەرگیران
20 دەرچووى 12 ئامادەیى لە کۆلێژى پزیشکى زانکۆى هەڵەبجە وەرگیران
964+
وریا فەتاح
وەزارەتى خوێندنى باڵا و توێژینەوەى زانستى، وەرگرتنى 342 خوێندکارى خوێندنى کوردى ناوچە دابڕاوەکانى لە زانکۆکانى هەرێمى کوردستان راگەیاند، بۆ یەکەمساڵى خوێندنى کۆلێژى پزیشکیش 20 دەرچووى 12ـى ئامادەیى وەرگیراون.
وەزارەتى خوێندنى باڵا و توێژینەوەى زانستى رایگەیاند، لەیەکەم ساڵى کردنەوەیدا، 20 دەرچووى 12 ئامادەیى لە کۆلێژى پزیشکى هەڵەبجە وەرگیراون و ناوەکانیان بۆ زانکۆى هەڵەبجە نێردراون.
دەشڵێت: لەچوارچێوەى وەرگرتنى خوێندکارانى خوێندنى کوردى، 342 خوێندکارى کەرکوک، شەنگال و خانەقینیان لە زانکۆکانى هەرێمى کوردستان وەرگرتووە.
