“دوو پیلانی داعش بۆ تیرۆرکردنی ئەحمەد شەرع پوچەڵ کراونەتەوە”

964+

شۆڕش قادری

پێش کۆبوونەوەی شەرع و ترەمپ هەواڵی پوچەڵکردنەوەی دوو پیلانی داعش بۆ تیرۆرکردنی ئەحمەد شەرع سەرۆکی سوریا بڵاوکرایەوە.

ئاژانسی هەواڵی رۆیتەرز لەزاری بەرپرسێکی باڵای ئەمنیی سوریا و کاربەدەستێکی باڵای رۆژهەڵاتی ناوەڕاست بڵاویکردووەتەوە، لە چەند مانگی رابردوودا داعش دوو جار هەوڵی کوشتنی ئەحمەد شەرعی داوە، بەڵام سەرکەوتوو نەبووە و هەردوو پیلانەکە پوچەڵ کراونەتەوە.

ئەو دوو سەرچاوەیە نەیانویستووە ناوی خۆیان و وردەکاری زیاتر لەو بارەیەوە ئاشکرا بکەن، تا ئێستاش دەزگا ئەمنییەکانی سوریا هیچ زانیارییەکەیان بڵاونەکردووەتەوە.

ئەوەش لەکاتێکدایە، بڕیارە لە چەند کاتژمێری داهاتوودا ئەحمەد شەرع سەرۆکی سوریا و دۆناڵد ترەمپ سەرۆکی ئەمریکا لە کۆشکی سپی کۆببنەوە و سوریاش ئامادەیە بچێتەناو ئەو هاوپەیمانێتییەی کە بۆ شەڕی دژ بە داعش دروستکراوە.

ترەمپ و شەرع لەلایەن دادگاكانی عێراقەوە داوای دەستگیركردنیان كراوە

"ئەو کەسەى حوکمى لەسێدارەدانى بۆ دەرچوو لەسەر ستایشى ئەحمەد شەرع نەبووە، بەڵکو پڕوپاگەندەى بۆ داعش کردووە"