روولەدابەزینە
نرخى نەوت هەر لە خوار 65 دۆلارەوەیە
964+
وریا فەتاح
دوو رۆژە نرخى نەوت لەخوار 65 دۆلار مامەڵەى پێوە دەکرێت، ئەوەش دواى ئەوەى لە رۆژانى رابردوو 66 دۆلارى تێپەڕاند.
ئەمڕۆ پێنجشەممە 30.10.2025 و لە کاتی کردنەوەی بازاڕی جیهانیی نەوت، یەک بەرمیل نەوتی برێنت بە 64 دۆلار و 67 سەنت مامەڵەى پێوە دەکرێت و لە چاو دوێنێ ئێوارەدا 0.25% دابەزیوە.
هەروەها نرخی یەك بەرمیل نەوتی تێكساس بە 60 دۆلار و 17 سەنت مامەڵەی پێوەدەکرێت، بەرێژەی 0.31%دابەزیوە.
بەرزبوونەوەى نرخى نەوت لە قازانجى عێراقە، چونکە 95%ـى داهاتى نەختینەی عێراق پشت بە نەوت دەبەستێت، لە دواى رادەستکردنى نەوتى هەرێمیش بە سۆمۆ، پشکى عێراق هەرێم لە بازاڕى نەوتدا زیاترە و ئەگەر نرخى نەوت بەرز بێت، کێشە بۆ موچەى فەرمانبەران لە عێراق دروست نابێت.
