بەڕێوەبەری گشتی تەندروستی بۆ 964
بەشیک لە کێشەکانی تەندروستی سلێمانی چارەسەر بوون بەڵام هەر پێویستیان بە دەرمان و نەختینەیە
964+
دیلان محەمەد جەزا – سلێمانی
هەرچەندە بەشێک لە کێشەکانی تەندروستی سلێمانی چارەسەر بوون بەڵام بە قسەی بەرێوەبەری گشتی هێشتا نەبوونی دەرمان و نەختینەی بانک وایکردووە کە بە تەواوی گرفتەکانی تەندروستی لە پارێزگاکە حەل نەبن.
دکتۆر سەباح هەورامی، بەڕیوەبەری گشتی تەندروستی سلێمانی لەبارەی قەیرانەکانی کەرتی تەندروستییەوە بۆ 964 دەڵێت، وەکو پێویست دەرمانمان نییە و %30 دەرمانەکان نەخۆش دەبێ لەدەرەوە دەستیخەن.
دەشلێت، ئەو دەرمانانەی کە کۆمپانیا دابینی دەکەن ئەوان چەکیان بۆدەکەن کە دەچنە بانک لەوێ پارەیان بۆ خەرج ناکەن و ئەوەشی کێشەی بۆ دروستکردوون.
لەبارەی نەخۆشخانەی هیواوە ئاماژە بەوەدەکات، ئێستا نەخۆشخانەکە لەچاوی نەخۆشخانەکانی دیکەی شیرپەنجە خزمەتگوزارییەکانی زۆر باشن بەڵام ئەوێش پێویستی بە زیاتر هەیە بۆی دابین بکەن.
پێداچوونەوە: توانا نەقی
