"بهرپهرچی هێرشى چهكدارانى دیمهشقمان داوهتهوه"
ئاسایشی ناوخۆی رۆژئاواى كوردستان ئهو ناوچه كورديانه ئاشكرادهكات كه رووبهڕوبونهوهیان تێدا روويداوه
964+
فهرهاد حهسهن
هێزهكانی ئاسایشی ناوخۆی رۆژئاوای كوردستان ئهو ناوچه كوردیانهى شارى حهلهب ئاشكرا دهكات كه بههۆى هێرشی چهكدارانى سهر به حكومهتى سوریا نائارامن و دهشڵێت “بهرپهرچی هێرشهكانمان داوهتهوه و رووبهڕوبونهوهش بهردهوامه”.
هێزهكانی ئاسایشی ناوخۆ، كه سهر به ئیدارهی خۆبهڕێوهبهرییه له گهڕهكهكانی شێخ مهقسود و ئهشرهفییه، سهبارهت به هێرشی چهكدارانی حكومهتی دیمهشق بۆ سهر گهڕهكه كوردییهكانی حهلهب بڵاویكردهوه، هێرشهكه بازگهی جزیره و نهخۆشخانهی یۆنانی و بهری جهلای به ئامانج گرتووه و شهڕی سهخت روویداوه و “هێزهكانمان توانیویانه ناوچهكان بپارێزن و بهرپهرچی هێرشهكان بدهنهوه”.
رووبهڕوبونهوهكان له ناوچهی لێرامۆن و گۆڕهپانی شهیحان دهستیانپێكردوه و پێكدادان بهردهوامه، جهختیش دهكاتهوه له مامهڵهكردن لهگهڵ ههر ههڕهشهیهك و پابهندبوون به پاراستنی هاوڵاتیانی مهدهنی.
درهنگانى شهوی رابردوش هێزهكانی سوریای دیموكرات (ههسهده) رایگهیاند، ئهوهی له حهلهب روودهدات، ئهنجامی راستهوخۆی ههوڵی گروپهكانی سهر به حكومهتی كاتییه و ئهوان پێشتر سهرجهم هێزهكانیان كشاندوهتهوه و دهشڵێت، “حكومهتی دیمهشق به بهرپرسیاری تهواو و ڕاستهوخۆ دهزانن له بهردهوامبونی گهمارۆ و پێشێلكارییه سیستماتیكهكان دژی هاوڵاتیانی مهدهنی”.
له رۆژئاواى كوردستان ههڵبژاردنهكهی سوریا رهتكرایهوه
تیپه هونهرییه پرتهقاڵیهكهى دهۆك بهرهو رۆژئاواى كوردستان بهڕێكهوتن
