تا ئێستا کۆنتڕۆڵ نەکراوە
لە گەڕەکی فەرمانبەرانی هەولێر بەنزینخانەیەک ئاگری گرت
964+
ئەحمەد شەمزین – هەولێر
لە گەڕەکی فەرمانبەرانی هەولێر و لەسەر جووتسایدی زەیتونە بەنزینخانەیەک ئاگری گرت.
پەیامنێری 964 وتی، کەمێک لەمەوبەر بەنزینخانەی لاپ لەسەر رێگای گوندی زەیتونە ئاگری گرتووە و ئاگرەکەش گەورەیە و بڵێسە دەکات.
ئاماژەی بەوەش کرد، تیمەکانی بەرگریی شارستانی بەڕێوەن بۆ کۆنتڕۆڵکردنی ئاگرەکە.
بەنزینخانەی لاپ دەكەوێتە شەقامی كۆرنیش بەدیاریكراوی بەرامبەر قوتابخانەی ساڤای تایبەتە و رۆژانە بەنزینی 750 دیناری لێ دابەش دەکرێت.
پێداچوونەوە؛ شۆڕش قادری