رێگرى لە هاوردەکردنى تەماتە و پەتاتە دەکرێت
مژدەیەکی خۆش بۆ جوتیارانی کوردستان
+964
ئاکام غەفور-سۆران
نوێنەری جوتیارانی کوردستان سەردانی بەغدایان کرد و لەوێ قەولیان پێدراوە کە رێگرى بکەن لە هاوردەکردنى پەتاتە و تەماتە، جوتیارێکیش دەڵێ:، تەماتەی کوردستان بەشی هەموو عێراق دەکات.
سەلمان سادق، نوێنەری جوتیارانی سۆران، بە 964ـی وت،” مژدەی خۆشمان پێیە بۆ جوتیاران، ئیتر تەماتە و پەتاتە لە دەروازەکان بە فەرمی و بە قارچاغ داخیلی عێراق و هەرێمی کوردستان نابێت و پشت بە بەرهەمی ناوەخۆ دەبەسترێت”.
وەک باسی دەکات، بڕیارەکە بەم شێوەیە کە تاکو 15.9.2025 تەماتە داخل نەبێت و نرخی تەماتەش جێگیر بێت.
بەپێی ئاماری کشتوکاڵی سۆران، ساڵانە هەشت هەزار دۆنم زەوی دەکرێت بە تەماتە و بەرهەمی هەر رۆژێکی تەماتەش لەو سنورە نزیکەی 600 تۆنە.
پێداچوونەوە: وریا فەتاح
