دیمەنێكی بازاڕی شێخەڵا. فۆتۆ: سۆشیال میدیا
وتەبێژی بەرگریی شارستانی:
“هيچ ئاگرێک لە بازاڕی شێخەڵای هەولێر رووینەداوە”
964+
ئەرسەلان عەبدوڵا
وتەبێژی بەرگریی شارستانیی هەولێر رایگەیاند، هیچ ئاگرێك لە بازاڕی شێخەڵا رووینەداوە و ئەو ڤیدیۆیەی بڵاویش بووەتەوە، كۆنە و هی ئێستا نییە.
شاخەوان سەعید لە گرووپی واتساپی رۆژنامەنووسان لێدوانێكی دەنگیی خۆی داناوە و دەڵێت، هیچ ئاگرێک لە ئارادا نییە و بازاڕی شێخەڵا نەسووتاوە، كەس ئەوانیشی لە بوونی ئاگر ئاگادار نەكردووەتەوە.
هەروەها وتی، ئەو ڤیدیۆیەی بڵاوبووەتەوە و گوایە ئاگر لە شێخەڵا بەرپا بووە، راست نییە و ڤیدیۆیەكی كۆنە.
هەر لە بارەی ئەم هەواڵە، عەبدوڵا سلێمان، خاوەن نووسینگەی ئالوگۆڕی دۆلار لە بازاڕەکە بۆ 964 وتی، “ڤیدیۆکە کۆنە و ئێمە هەموو رۆژێك كارمان لەو بازاڕەیە هیچ ئاگریك رووینەداوە.
بازاڕی شێخەڵا بازاڕێكی گەورەیە و لە سەنتەری شاری هەولێرە و مێژوویەكی دێرینی هەیە، چەند جارێكیش رووبەڕووی ئاگر و سووتان بووەتەوە، لە مانگی نیسانی ساڵی رابردوو دوو ئاگر لە بازاڕەكە كەوتنەوە و چەند دوكانێك سووتان، بەڵام باش بوو ئاگرەكان گەورە نەبوون و زوو كۆنتڕۆڵ كران
