لە یەکشەممەی داهاتووەوە کار دەکات
بۆ یەکەمجار ئامێرێکی تیشکی پشکەوتوو بۆ سەنتەری تیشک لە کەلار دابینکرا
964+
توانا نەقی
سەنتەری تیشکی کەلار بۆ یەکەمجار بووە خاوەنی ئامێرێکی پێشکەوتووی تیشک و خرایە خزمەتی هاوڵاتیانەوە.
بەرێوەبەرایەتی گشتی تەندروستى گەرمیان بڵاویکردەوە، لەسەر بودجەی بەڕێوبەرایەتی گشتی تەندروستی گەرمیان، ئامێرێکی نوێ و پێشکەوتووی تیشک بۆ سەنتەری تیشکی کەلار دابین دەکرێت و لە رۆژی یەکشەممەی داهاتووەوە دەخرێتە خزمەت هاوڵاتیانەوە.
ئاسۆ سلێمان بەڕێوەبەری سەنتەری تیشکی کەلار لە پەیجی تەندروستی گەرمیانەوە رایگەیاند، ئامێرەکە ئامێری ئێکس رای (X-RAY) دی ئاڕ دەبڵ دیتێکتەرە لە براندی ئیکۆ رەی کۆریی، کوالێتییەکی زۆر باش و بەرزی هەیە.
دەشڵێت، یەکەمجارە ئامێرێکی وەها پێشکەوتوو لەناوچەکەدا دادەنرێت و لە رۆژی یەکشەممەی هەفتەی داهاتووەوە دەخرێتە خزمەتی هاوڵاتیانەوە.
