وێنەی دوو تۆمەتبارەکە. فۆتۆ/پۆلیسی سلێمانی
قەل و قاز دزەکانی شارەزوور گیران
964+
هاوبەش ئەبوبەکر
لە شارەزوور دوو تۆمەتبار بەدزیکردن لە ماڵان دەستگیرکران، پۆلیسی سلێمانی دەڵێت، لەکاتی دەستگیرکردنیاندا ئاژەڵ و پەلەوەریان پێ گیراوە.
خەڵک سکاڵای لەسەریان تۆمار کردووە
بەڕێوەبەرایەتی پۆلیسی سلێمانی لە پەیجی خۆیان لە فەیسبووک ئەمڕۆ چوارشەممە رایگەیاند، دوای ئەوەی چەند هاوڵاتیەکی سنوری قەزای شارەزوور سکاڵایان تۆمارکرد کە ئاژەڵ و پەلەوەریان لێدزراوە، توانرا تۆمەتباران بدۆزێنەوە و دەستگیرکران.
یەکێک لە تۆمەتبارەکان تەمەنی 21 ساڵە
یەکێک لە تۆمەتبارەکان تەمەنی 38 ساڵە و ئەوەی دیکەشیان تەمەنی 21 ساڵە و بەپێی مادەی 443 لە یاسای سزادانی عێراقی راگیراون، پۆلیسی سلێمانی وا دەڵێت.
“لەکاتی دەستگیرکردنی تۆمەتبارەکاندا، دەستگیراوە بەسەر بڕێک ئاژەڵ و پەلەوەری دزراودا کە تۆمەتباران دزیبوویان،” بەپێی راگەیەندراوەکەی پۆلیسی سلێمانی.