"بۆ فرۆشتن نییە و تەنیا ناساندنە"
لە فێستیڤاڵی هەنجیری تەقتەق نەوت نمایش دەکرێت
964+
دەریا ئەحمەد – کۆیە
هەرچەندە فێستیڤاڵەکەی تەقتەق تایبەتە بە هەنجیر، بەڵام تیمێکی ئەندازیاری بەرهەمهێنان له نەوتی تەقتەق، نمونەیەکی نەوتەکەیان هێناوە و پیشانی میوانانی فیستیڤاڵەکەی دەدەن.
هاوڕێ ئەحمەد ئەندازیاری بواری نەوت بە 964ـی وت، “ئامانجمان ئەوەیە بەشداربووانی فێستیڤاڵ لە نزیکەوە نمونەی کێڵگەی نەوتی شیواشۆک لە تەقتەق ببینن، نەوتەکەش بۆ فرۆشتن نییە و تەنیا بۆ ناساندنە”.
باسی لەوەشکرد، ئەو کەسانەی لە فێستیڤاڵەکەدا سەردانیان دەکەن زیاتر خوێندکارانی زانکۆ و پەیمانگاکان کە لە بواری نەوت دەخوێنن.
پێداچوونەوە؛ شۆڕش قادری
