دەست بەسەر ئۆتۆمبێلەکەشیدا گیرا
شۆفێرێک لە دهۆک پۆزی بە ئۆتۆمبێلەکەیەوە لێدا و دەستگیر کرا
964+
ژێوار خدر
دوای ئەوەی شۆفێرێک لە شەقامێکی گشتی دهۆکدا دریفت و نمایشی بە ئۆتۆمبێلەکەی کرد و ڤیدیۆکانیشی لە تۆڕە کۆمەڵایەتییەکان بڵاوکردەوە، لەلایەن پۆلیسەوە دەستگیرکرا و دەستیش بەسەر ئۆتۆمبێلەکەیدا گیرا.
عەقید ئازاد تەها، وتەبێژى هاتوچۆى دهۆک لە پەڕەى خۆى لە فەیسبوک بڵاوى کردووەتەوە، کە شۆفێرەکە لە کاتی ئەنجامدانی نمایشەکە ماسکی بەکارهێناوە و تابلۆی ئۆتۆمبێلەکەشی گۆڕی بوو، و بەهاوکاری هێزەکانی ئاسایش و پۆلیسی دهۆک توانرا کەسەکە بدۆزرێتەوە و دەستگیر بکرێت و دەستیش بەسەر ئۆتۆمبێلەکەیدا گیرا.
دەشڵێت، هەر کەسێک پابەندی یاساکانی هاتوچۆ نەبێت و سەرپێچی بکات، بە هەر یەک لە سزاکانی بەند کردن، پێبژاردنی دارایی و دەستبەرداگرتنی ئۆتۆمبێلەکەی سزا دەدرێت.
