کۆمپانیای دەرمانی سامەڕا
لە کۆمپانیای دەرمانی سامەڕا
لە مانگى هەشت؛ بەرنامەى بەرهەمهێنانى دەرمان 3.4 ملیار دینار تێدەپەڕێنێت
964+
وریا فەتاح
کۆمپانیای گشتیی دروستکردنی دەرمان و پێداویستی پزیشکی لە سامەڕا، بەرنامەی بەرهەمهێنانی خۆی بۆ مانگی ئاب راگەیاند کە بەهای زیاتر لە 3.4 ملیار دینارە.
محەمەد عەبدولقادر نعێمى، بەڕێوەبەری گشتیی کۆمپانیاکە، بە ئاژانسی هەواڵی عێراقی راگەیاند: “بەرنامەی بەرهەمهێنان بۆ مانگی ئاب 3 ملیار و 477 ملیۆن دیناری عێراقی تێپەڕاندووە.” هەروەها ڕوونیکردەوە کە بەرنامەکە بەرهەمهێنانی کۆمەڵێکی بەرفراوانی دەرمانی نوێ و نموونەیی لەخۆدەگرێت بە شێوەی جۆراوجۆر وەک (حەب، کەپسول، شەربەت، مەڵحەم و هیتر) بۆ دابینکردنی پێداویستییەکانی بازاڕی ناوخۆ و نەخۆشخانەکان.
وتیشى،”پرۆسەی بەرهەمهێنانی دەرمان بەپێی ئەو گرێبەستە بازاڕکردنانە بەڕێوەدەچێت کە لەگەڵ وەزارەتی تەندروستی و ئاژانسی تایبەتمەندی بازاڕکردن واژۆ کراون، ئەمەش دڵنیایی دەدات لە گەیاندنی دەرمانەکان بە هەموو پارێزگاکانی عێراق بە نرخێکی گونجاو و کوالێتییەک کە لەگەڵ ستانداردە نێودەوڵەتییەکاندا بگونجێت.”
ئاماژەی بەوەش کرد کە ئەم بەرنامەیە لە چوارچێوەی ستراتیژی کۆمپانیاکەدایە بۆ بەدەستهێنانی خۆبژێوی لە دەرمانە سەرەکییەکان و کەمکردنەوەی کەمیی دەرمان لە بازاڕەکاندا، هەروەها پشتگیریکردنی دامەزراوە تەندروستییە حکومییەکان.
