"لە سۆرانەوە بەرەو هەولێر رۆیشتوون"
لە دەشتی هەریر ماتۆڕسوارێک گیانی لەدەستدا؛ کەسێکیش بریندارە
964+
ئاکام غەفور – سۆران
لە دەشتی هەریر ماتۆڕێک بەدوو سەرنشینەوە تەقلەی لێدا، شۆفێرەکەی گیانی لەدەستدا و ئەو کەسەی دیکەش برینداربوو.
محەمەد ئامۆکەیی بەرپرسی راگەیاندنی تەندروستی شەقڵاوە بە 964ـی وت، “بەرەبەیانی ئەمڕۆ سێشەممە 12.8.2025 لە ئەنجامی وەرگەڕانی ماتۆڕسکیلێک لەسەر پردێکی جووتسایدی دەشتی هەریر، تەرمێک و بریندارێک گەیندرانە نەخۆشخانەی هەریر، کە شۆفێر و سەرنشینی ماتۆڕەکە بوون”.
“ئەو کەسەی گیانی لەدەستداوە، شۆفێری ماتۆڕەکە بووە، خەڵکی رواندزە و تەمەنی نزیکەی 40 ساڵە”، محەمەد ئامۆکەیی وای وت.
ئاماژەی بەوەشکرد، ئەو دوو کەسە لە سۆرانەوە بەرەو هەولێر رۆیشتوون، بریندارەکە تەمەنی 27 ساڵە و چارەسەری پێویستی بۆ کراوە بەڵام بەهۆی سەختی برینەکەی بەڕێکراوە بۆ هەولێر، تەرمی شۆفێری ماتۆڕەکەش بۆ توێکاری رەوانەی پزیشکی دادی هەولێر کراوە.
پێداچوونەوە؛ شۆڕش قادری
تەنیا لە ماوەی دوو رۆژدا شەش کەس گیانیان لەدەست داوە و 17ـی دیکەش برینداربوون
