تكایە رەچاوی رێنماییەكان بكەن با سزا نەدرێن
رۆژانە سێ جار شەقام و شوێنە گشتیيەکانى سلێمانی پاکدەكرێنەوە
964+
محەمەد فاتیح
هەڵمەتی کۆکردنەوە و پاککردنەوەی خۆڵ وخاشاکی شەقام و شوێنە گشتیيەکان له ناو شاری سلێمانی، لە رۆژێكدا بۆ سێ جار جێبەجێ دەكرێن و دوكاندار و دەستگێڕە سەرپێچیكارەكانیش سزا دەدرێن و داوا لە هاوڵاتیانیش دەكرێت رەچاوی رێنماییەكان بكەن.
محەمەد تۆفیق، ئەندازیار له سەرۆکایەتیی شارەوانیی سلێمانی، لە پەیامێكی ڤیدۆییدا بڵاویكردەوە، ستافەكانمان لە كاتژمێر شەشی بەیانییەوە دەست دەكەین بە پاككردنەوەی شەقام و شوێنە گشتییەكان و كۆكردنەوەی خۆڵ و خاشاك و فڕێدانی.
دەشڵێت، رۆژانە لە كاتژمێر چوارەوە، خۆڵ و خاشاك فڕێ دەدرێت و تیمەكانیشمان هەڵدەستن بە ئەركی خۆیان و رۆژانە سێ جار شەقامە كان و شوێنە گشتیيەکان پاك دەكرێنەوە.
“ستافەكانمان زیاتر لە جارێک ئاگاداری دوكانەكان و دەستگێڕەكان دەكەنەوە، كە رێنماییەكان جییەجێ بكەن و لەلایەن ستافی خزمەتگوزاری شارەوانییەوە غەرامە بۆ دوكاندارەكان ودەستگێڕه سەرپێچیكارەكان دەكرێت”.
رێنمایی خەڵك دەكەین:
-هەر كەس لە ئاستی خۆیەوە، ئەگەر حاوییەی تایبەت بەخۆی هەیە، یان كیسێكی عەلاگەی هەیە، خۆڵ و خاشاكەكانی تێیدا كۆبكاتەوە.
– هۆكارە بۆ بڵاونەبوونەوەی بەسەر شەقامەكاندا.
-كار ئاسانییەكە بۆ كرێكارەكانمان.
– بەیانیان كرێكارەكان دەست دەدەنە عەلاگەكە و دەیخەنە ناو كەبسی خۆڵەكەوە.
-یارمەتیدەرمان دەبێت، كە بە كاتێكی كەمتر خۆڵەكان كۆبكەینەوە.
خۆڵ و خاشاک لە گەڕەكێكی سلێمانی كۆبووەتەوە و بەدواداچوونی بۆ دەكرێت
