هاوکاری هاوپەیمانان گەیشتە پێشمەرگە

964+

محەمەد فاتیح

هاوکاریی دارایی هاوپەیمانان بۆ مانگى حەوت، تەمویلی وەزارەتی پێشمەرگە کرا و دوای ئەنجامدانی رێکارەكان، دەست بە دابەشکردنى دەکرێت.

وەزارەتی پێشمەرگە بڵاویكردەوە، هاوكارییەكە گەیشتووە و دوای ئەنجامدانی رێکارە دارایى و ژمێریارییەکان، لەلایەن بەریوەبەرایەتى گشتى بودجە و بەرنامەکان (ژمێریارى سەربازى)، رۆژی پێنجشەممە بەرواری 7.8.2025، دەست بە دابەشکردنى دەکرێت.

بۆ ئەم مانگە نزیکەی 74000 ئەفسەر و پلەدار و پێشمەرگە، بە سیستەمی پڕۆژەی هەژماری من هاوکاری هاوپەیمانان وەردەگرن، ئەوانەی تریش لە رێگەی سیستەمی بانکیەوە هاوکارییەکان وەردەگرن.