بنێشتی کوردی و دۆی مەشکە هەمووی لێرەیە
فێستیڤاڵێک بۆ رەخساندنی هەلی کار لە چەمچەماڵ کرایەوە
964+
عەزیز عەبدوڵا – چەمچەماڵ
فێستیڤاڵێکی رەخساندنی هەلی کار لە چەمچەماڵ کراوەتەوە و بۆ ماوەی پێنج رۆژ بەردەوام دەبێت.
یەکێک لە بەشداربووانی فێستیڤاڵەکە، مەنجەڵێکی مسی داناوە و بنێشتی دارەبەن دەکوڵێنێت و دەیفرۆشێت و بە پەیامنێری 964ـی وت، بنێشتەکە بە تەواوی سروشتییە و خەڵک حەزیان لێێەتی.
وتیشی، بنێشتەکە بۆ گەدە، دڵەکزێ، کۆڵۆن و خۆشکردنی بۆنی دەم زۆرباشە و سوودێکی زۆری هەیە بۆ جەستە بەگشتی و تامیشی زۆر خۆشە.
لەلایەکی دیکەشەوە خانمێک بەجلی کوردییەوە مەشکەیەک دەژەنێت و دەڵێت، نەخۆش بووم، لە خەوما پێیان وتم دۆی مەشکە بخۆرەوە لە نەخۆشی چاک دەبیتەوە و فعلەن وایش بوو.
پێداچوونەوە: ژێوار خدر
