لە سەنگەسەر دوو ئۆتۆمبێل پێکیاندادا و پێنج کەس برینداربوون
لە سەنگەسەر
دوو ئۆتۆمبێل پێکیاندادا و پێنج کەس بەسەختی برینداربوون
964+
محەمەد عەلی – راپەڕین
لە رووداوێکی هاتوچۆدا لە ناحیەی سەنگەسەری قەزای پشدەر پێنج کەس بەسەختی برینداربوون.
عەلی ئیسماعیل وتەبێژی هاتوچۆی راپەڕین بە 964ـی وت، “کاتژمێر 9:45 خولەکی ئەمشەو لەسەر رێگای سەرەکی نێوان سەنگەسەر و رانیە، پێکدادان لە نێوان ئۆتۆمبێلێکی بێ سەرەتا و تۆیۆتا هایلۆکسێک روویداوە و بەهۆیەوە پێنج کەس بە سەختی بریندار بوون”.
بەقسەی عەلی ئیسماعیل بریندارەکان خەڵکی پشدەرن و بۆ وەرگرتنی چارەسەری پزیشکی رەوانەی نەخۆشخانەی قەڵادزێ کراون.
ئاماژەی بەوەشکرد،تا ئێستا هۆکاری رووداوەکە بەوردی نەزانراوە و لێکۆڵینەوەیان لەوبارەیەوە دەستپێکردووە.
سەبارەت بەو بابەتە 964 پەیوەندیکرد بە راستی خدر بەڕێوەبەری بەشی فریاکەوتنی نەخۆشخانەی قەڵادزێ، ئەو وتی، “دوو لە بریندارەکان هێنراونەتە نەخۆشخانەکەمان، هەردووکیان لە رەگەزی نێر بوون و برینەکانیان سەخت بوو، بۆیە دوای وەرگرتنی چارەسەری سەرەتایی، بەڕێکران بۆ نەخۆشخانەی سلێمانی”.
باسی لەوەشکرد، دوو برینداری تر رەوانەی نەخۆشخانەی رانیە کراون و بریندارێکیش گوازراوەتەوە بۆ نەخۆشخانەی سەنگەسەر.
پێداچوونەوە؛ شۆڕش قادری
لە رووداوێکی هاتوچۆ دا نۆ کەس برینداربوون
