چهند لقێك لهو پارێزگایه دهكاتهوه
ئهمڕۆ نوێنهرى بانکی ناوەندی عێراق له هەڵەبجە بوو
964+
فهرهاد حهسهن
شاندێكی بانكی ناوەندی عێراق، سهردانى پارێزگاى ههڵهبجهى كردو و بڕیاریدا چهند لقێكى لهو پارێزگایه بكاتهوه.
نوخشە ناصح پارێزگاری هەڵەبجە بڵاویكردهوه، ئهمڕۆ لەگەڵ نهبیل نهجار نوێنەری بانكی ناوەندی عێراق و شاندی یاوەری كۆبوهتەوە و قسهیان لهسهر رێگاکانی دەستپێکردنی دەستپێشخەریی گشتگیری دارایی لەلایەن بانکی ناوەندی عێراق و كردنەوەی چەند لقێكی بانكەكە لە پارێزگاكە، كردووه.
ههردوو لا رێککەوتن بۆ ئەنجامدانی کۆنفرانس و پێشانگای بانکی فراوانکراو بۆ بەرەوپێشبردنی کلتوری پارەدانی ئەلیکترۆنی و فراوانکردنی خزمەتگوزارییە داراییەکان.
پارێزگارى ههڵهبجه دهڵێت، جەختیان لە گرنگی دەستپێشخەرییەکە کردەوە لە پاڵپشتیکردنی ئابووری ناوخۆیی و ئاسانکاری بۆ دەستڕاگەیشتن بە خزمەتگوزارییەکانی بانکی دیجیتاڵی بۆ هاوڵاتیان، كه ئەمە دەبێتە بنەمایەکی گرنک و بەهێز بۆ پێشخستنی ژێرخانی ئابووری و پەرەپێدانی پڕۆسەی وەبەرهێنان لە پارێزگای هەڵەبجە.
ئاماژهى بهوهشكردووه، ئهوهى ئهمڕۆ كراوه دهبێته دەروازەیەكی نوێ و گرنگ بە رووی سەرمایەدار و بازرگانان، بۆ جێبەجێكردنی پڕۆژەكانی وەبەرهێنان لە پارێزگاكە.
رۆژى 14.4.2025 پەرلەمانی عێراق دهنگی لەسەر بە پارێزگابوونی هەڵەبجە دا، له كاتێكدا زیاتر له 10 ساڵه حکومەتی هەرێمی کوردستان هەڵەبجەی وەک پارێزگا ناساندووه.
له ههڵهبجه پڕۆژهى 122 فریاگوزارى بۆ سهرجهم چین و توێژهكان بهڕێوهدهچێت
داوا له سویسرا كرا پڕۆژهى گهشتیاری لهههڵهبجه جێبهجێ بكات
