ژمارەیەک پەنابەر لە فەرەنسا. فۆتۆ: سۆشیاڵ میدیا
حەوت فیشەکی لێدراوە
پەنابەرێکی کورد لە فەرەنسا کوژرا
964+
ژووری هەواڵ
لە تاراوگە هێرشکراوەتە سەر پەنابەرێکی کورد و بەوهۆیەوە گیانی لەدەستداوە، چالاکوانێکیش دەڵێت، لە جەنگەڵەکانی فەرەنسا تەقەی لێکراوە.
رەنج پشدەری، چالاکوانی بواری کۆچبەران بە 964ـی راگەیاند، درەنگانێکی ئێوارەی دوێنێ گەنجێکی رانیە لە جەنگەڵی فەرەنسا تەقەی لێکراوە و دوای گەیاندنی بۆ نەخۆشخانە گیانی لەدەستداوە.
بە وتەی شایەتحاڵەکان، قوربانییەکە ناوی بەشدار تەیرۆیە و دانیشتووی کامپی “گراند سینس” بووە لە فەرەنسا.
پۆلیسی فەرەنساش رایگەیاندووە، کوژراوەکە لە سییەکانی تەمەنیدا بووە و حەوت فیشەکی لێدراوە.
