موچە هات و بایکۆت شکا
دەرگای نەخۆشخانەی پێنجوێن کرایەوە
964+
کامیار کەمال – پێنجوێن
بەهۆی دواکەوتنی موچە، ماوەی حەوت رۆژ بوو نەخۆشخانەی گشتی پێنجوێن چۆڵکرابوو، ئەمڕۆ دوای وەرگرتنی موچەکانیان، کارمەندانی نەخۆشخانەکە بایکۆتیان شکاند و گەڕانەوە دەوام.
هێمن ئیبراهیم قایمقامی پێنجوێن بە 964ـی وت، “ئەمڕۆ یەکشەممە 27.7.2025 پزیشکان و کارمەندانی نەخۆشخانەی گشتی پێنجوێن و بەشی راوێژکاری جەلال مەحمود، بایکۆتیان شکاندووە و گەڕاونەتەوە دەوام”.
وتیشی، لە ئێستادا سەرجەم بەشەکانی نەخۆشخانەی گشتی پێنجوێن کراوەیە و چارەسەری هاوڵاتیان دەکەن و پزیشکان نەخۆش دەبینن.
لە رۆژی 10.7.2025ـەوە پزیشکان و کارمەندانی نەخۆشخانەی پێنجوێن بەهۆی دواکەوتنی موچە، بایکۆتی دەوامیان کرد و تا رۆژی 21.7.2025 تەنیا بەشی فریاکەوتنی نەخۆشخانەکە کراوە بوو، دواتر کارمەندانی ئەو بەشەش تێکەڵ بە بایکۆتەکە بوون و نەخۆشخانەی گشتی پێنجوێن بەتەواوەتی داخرا.
پێداچوونەوە؛ شۆڕش قادری
