وێنەی ئەندامانی باندەکە. فۆتۆ: دەزگای ئاسایشی هەرێم
11 کەسن
باندێکی ساختەکردنی بەڵگەنامەی حکومی دەستگیر کران
964+
ژووری هەواڵ
دەزگای ئاسایشی هەرێم، دەستگیرکردنی باندێکی ساختەکاری راگەیاند و دەڵێت، بەڵگەنامە و پشتگیری فەرمانگەی حکومیان ساختە کردووە.
ئەمڕۆ پێنجشەممە 24.7.2025، دەزگای ئاسایشی هەرێم رایگەیاند، ئاسایشی پارێزگای سلێمانی، باندێکی 11 کەسی دەستگیرکرد، کەساختەکاری بەڵگەنامەیان ئەنجامداوە.
“دوای بەدواداچوون و کۆکردنەوەی زانیاری وورد، بە فەرمانی دادوەری لێکۆڵینەوەی ئاسایش توانیان لەسلێمانی 11 تۆمەتبار دەستگیربکەن، کە لە ماوەی رابردوودا ساختەکارییان لە دروستکردنی بەڵگەنامە و پشتگیری فەرمانگەی حکومی کردووە”.
تۆمەتبارەکان بە ماددەکانی 289 و 297 لە یاسای سزادانی عێراقی راگیراون و لێکۆڵینەوە لە دۆسیەکانیان بەردەوامە، دەزگای ئاسایشی هەرێم وا دەڵێت.
