10 یانە بەشدارن
لە هەڵەبجە پاڵاوتن بۆ کچانی بالەی عێراق دەکرێ
964+
ئەمەل ناجی – هەڵەبجە
یەکێتی ناوەندی بالەی عێراق لە پارێزگای هەڵەبجە، لە رۆژانی 16 تا 20 تەمموزی 2025، لە نێو هۆڵی کۆلێژی پەروەردەی جەستەیی و زانستە وەرزشییەکانی زانکۆی هەڵەبجە خولی پاڵاوتنی کچانی یانەکانی عێراقی دەستپێکرد.
پاڵاوتنەکە، بە بەشداری یانەکانی (هەڵەبجە، تەقتەق، قەرەقوش، سەنحاریب، ئەکاد عەین کاوە، المعلمین – آمانة بغداد، ئەفرۆدێت، دەربەندیخان و شوریجە) دەبێت.
جێگر عەبدولقادر، سەرۆکی نوێنەرایەتی لیژنەی ئۆڵۆمپی بە 964ی وت، ئەمڕۆ رۆژێکی مێژوویە بۆ هەڵەبجە، یەکەمین پاڵەوانێتی پاڵاوتنی بالەی کچانی یانەکانی عێراق لە هەڵەبجە بەڕێوەدەچێت، و ئامانج لێی بەرەوپێشبردنی وەرزشە و بە تایبەت وەرزشی تایبەت بە خانمان.
وابڕیارە، قۆناغی یەکەمی پاڵەوانێتیەکە کە پاڵاوتنە لە هەڵەبجە بەڕێوەدەچێت و قۆناغی دووەم دەچێتە شاری هەولێر و یارییەکانی کۆتایی پاڵەوانێتیەکە لەوێ بەڕێوەدەچن.
بە وتەی جێگر عەبدولقادر، هەوڵیانداوە و داوایان کردووە کە هەردوو قۆناغەکە هەر لە هەڵەبجە بەڕێوەبچێت، بەڵام هەتاوەکو ئێستا وەڵامیان وەرنەگرتووەتەوە.
پێداچوونەوە: ئەحمەد مستەفا
ئەکاد پاڵەوانی بالەی کچانی عێراقە
