لە بەیانییەوە بۆ داوا کردنی موچە خێمەیان هەڵداوە
مامۆستایانی خوێندنی کوردی لە کەرکوک خێمەکەیان لانادەن
964+
کاروان ساڵحی – کەرکوک
مامۆستایانی خوێندنی کوردی سەر لە بەیانی ئەمڕۆ سێشەممە، لە بەردەم نوسینگەی پەرلەمانی عێراق لە کەرکوک خێوەتیان هەڵدا و دژی دواکەوتنی موچە دەنگیان هەڵبڕی.
ئێستا داوایان لێدەکرێت خێمەکە لابدەن و مامۆستایەکیش دەڵێت، “ئێمە لاینادەین باخۆیان بێن لایدەن”.
مامۆستا ئەحمەد کەرکوکی بە 964ـی وت، “ئێمە وەکو نوێنەری مامۆستایان و فەرمانبەرانی خوێندنی کوردی و هەرێمیش لێرەین، ئەمە پاڵپشتییەکە بۆ موچەخۆرانی هەرێمیش، پەیامێکە بۆ عێراق کە بەدەم داواکارییەکانمانەوە بێن.”
دەشڵێت، ئێمە بەشێوەیەکی مەدەنی خێمەمان هەڵداوە نە رێگەمان گرتووە و نە عەزیەتی کەسمانداوە، لەگەڵ هێزە ئەمنییەکان پێکەوە دانیشتووین، ئێستا لە سەرەوە بڕیارێک هاتووە کە دەبێت خێمەکە هەڵوەشێتەوە و شوێنەکە چۆڵ بکرێت، ئێمە بەهیچ شێوەیەک دەستکاری خێمەکە ناکەین و لاینادەین.”
“باخۆیان بێن خێمەکە لابدەن، ئێمە بەهیچ شێوەیەک لاینادەین” مامۆستا ئەحمەد کەرکوکی وای وت.
