دیمەنی داڕمانی كۆگایەكی گەنم لە سایلۆی زیقار
تێچووی هەر كۆگایەك 27 ملیار دینارە
سێ كۆگای گەنم لە زیقاری عێراق داڕمان و هەرەسیان هێنا
964+
محەمەد فاتیح
سێ كۆگای گەنم لە سایلۆی پارێزگای زیقارى عێراق هەرەسیان هێناوە و وەزارەتی بازرگانی عێراقیش لیژنەیەكی پێكهێناوە بۆ لێكۆڵینەوە لە رووداوەكە.
ڤیدیۆیەك لەسەر دیمەنی سایلۆی شەترە لە پارێزگای زیقاری عێراق بڵاوبووەتەوە كە چۆن كۆگایەكی گەنم هەرەس دەهێنێت و دادەڕمێت، ئەمیر مەعموری پەرلەمانتاری عێراقیش دەڵێت، “تێچووی ئەو كۆگایە 27 ملیار دینارە و تاكو ئێستا سێ دانەیان داڕماوە و بە دوریشی نازانێت هەرهەمووی دابمرێن و هەرەس بهێنن.
وەزارەتی بازرگانی عێراق بڵاویكردەوە لیژنەیەكمان بە پەلە پێكهێناوە بۆ لێكۆڵینەوە لە هۆكاری رووداوەكە و دەستبەجێ دەستی بە لێكۆڵینەوە كردووە و لە ماوەی 72 كاتژمێردا راپۆرتێك لەسەر رووداوەكە بۆ وەزیری بازرگانی عێراق بەرز دەكاتەوە.