دیار نییە درۆنە یان مووشەک
تەنێک لە خەلەکان کەوتە خوارەوە
964+
عەزیز عەبدوڵا – چەمچەماڵ
کەمێک پێش ئێستا لە گوندی شێخ مەنسوریانی سنووری ناحیەی خەلەکان تەنێک کەوتە خوارەوە.
کامەران عەبدوڵا، بەڕێوەبەری ناحیەی خەلەکان هەواڵەکەی بۆ 964 پشتڕاستکردەوە و وتی، تیممان ناردووە بۆ ئەو شوێنەی تەنەکەی لێکەتووە بۆ لێکۆڵینەوە و تا ئێستا نازانین ئەوەی کەوتووەتە خوارەوە درۆنە یان مووشەک
وتیشی، ئەو شوێنەی درۆنەکەی لێکەوتووە دوورە لە شوێنی نیشتەجێبوونی هاوڵاتیان و هیچ زیانێکی گیانی نەبووە
لەوەتەی شەڕی ئیسرائیل و ئێران دەستیپێكردووە، تا ئێستا چەند جارێك درۆن و مووشەك و تەنی جۆراوجۆری هاوشێوەی پارچە پلێتی مووشەك لە چەند ناوچەیەكی كوردستان و عێراقیش كەوتوونەتە خوارەوە، بەڵام ئەوەی باشە تا ئێستا زیانی گیانی نەبووە.
پێداچوونەوە: ژێوار خدر
