له چوار سایلۆ رادهست دهكرێت
له دهۆك و زاخۆ زیاتر له 5500 جوتیار گهنم رادهستى سایلۆكان دهكهن
فهرهاد حهسهن
له سنوورى پارێزگاى دهۆك و ئیدارهى سهربهخۆى زاخۆ زیاتر له پێنج ههزار و 500 جوتیار دهتوانن گهنمهكانیان رادهستى ئهو چوار سایلۆیه بكهن كه له ههردوو شوێنهكه بۆیان دهستنیشانكراوه.
سایلۆكانى فایده، زاخۆ، شێخان و رۆڤیا له ئهمڕۆ 10.6.2025 دهرگاكیانیان كراوهیه بۆ وهرگرتنى گهنمى جوتیاران.
بهڕێوهبهرایهتى گشتى كشتوكاڵى دهۆك بڵاویكردهوه لهو 400 ههزار تۆنهى كه حكومهتى عێراقى بۆ وهرگرتنى گهنمى جوتیارانى ههرێم دیاریكردووه، پشكی دهۆك و زاخۆ، 117 ههزار و 911 تۆن گهنمه له جوتیارانى وهردهگیرێت.
نرخى ههر تۆنێك گهنمى بهراو به 850 ههزار دینار و دێمیش به 800 ههزار دینار له جوتیاران وهردهگیرێت.
كشتوكاڵى دهۆك ئاشكراى كردووه، كه بهپێی ئهو رێژه گهنمهى بۆ سنوورهكهیان دیاریكراوه وهربگیرێت، پێنج ههزار و 537 جوتیار سوودمهندى رادهستكردنى گهنم دهبن.