بەدواداچوونی کردووە
زانكۆى سهڵاحهدین رەتیدەکاتەوە قوتابیهکەی سۆران به ژیرى دهستكرد مردبێت
964+
فهرهاد حهسهن
زانكۆى سهڵاحهدین روونکردنەوەیهكى لهبارهى کۆچی دوایی ئەو قوتابییە بڵاوكردووهتهوه كه دهنگۆیهك وابڵاوكرایهوه گوایه دوای راوێژکردن بە ژیری دەستکرد و بەکارهێنانی جۆرە دەرمانێک کۆچی دوایی کردووە.
زەکەریا سلمان، قوتابی قۆناغی دووی بەشی رووپێوان و نوێنەری قوتابیانی بەشەکەی خۆی بوو لە کۆلێژی ئەندازیاری زانکۆی سەڵاحەدین بوو.
زانكۆكه رایدەگەیەنێـن دوای بەدواداچوون و قسەکردنیان لەگەڵ (مام سلمان خدر) کە باوکی قوتابییهكهیه، رەتیکردووهتهوە كه کوڕەکەیان بەهۆکاری راوێژکردن بە ژیری دەستکرد و خواردنی دەرمانی هەڵە کۆچی دوایی کردبێت.
پ.د.کامەران یونس، سەرۆکی زانکۆی سەڵاحەدین، سەرەخۆشی ئاڕاستهى خانەوادەکەی كردووه و پشتڕاستی دهكاتهوه كه قوتابی ناوبراو بەهۆی بەکارهێنانی دەرمانی هەڵە و رێنمایی وەرگرتن لە ژیری دەستکرد کۆچی دوایی نەکردووە.
بهقسهى باوکی قوتابییهكه كه به زانكۆى سهڵاحهدینى راگهیاندووه، کورەکەی جاروبار زەختی دادەبەزی و ئهوانیش له نۆرینگە چارهسهریان دهكرد و چاک دەبوویەوە، بەڵام ئەمجارە زەخت دابەزینەکەی بووە هۆکاری کۆچی دوایی کوڕەکەم.
زانکۆی سەڵاحەدین دەستی بە ئامادەکردنی بەشەناوخۆییەکان کرد
