ئاوی بەنداوی رەشاڤە دەگیرێتەوە
گەڕان بەدوای ئەو منداڵەی لە دێرەلوک کەوتە ناو رووبار بەردەوامە
964+
هیڤی دێوالی – دهۆک
گەڕان بەدوای ئەو منداڵەی لە ناحیەی دێرەلوک کەوتەناو رووبار بەردەوامە و هێشتا تەرمەکەی نەدۆزراوەتەوە.
ئێوارەی دوێنێ و لە یەکەم رۆژی جەژنی قورباندا، منداڵێکی تەمەن حەوت ساڵ بە ناوی ئارڤان سیهاد و دانیشتووی ناحیەی دێرەلوک لە سنوری قەزای ئامێدی، کەوتە ناو رووباری زێی گەورە و تائێستا تەرمەکەی نەدۆزراوەتەوە.
رێبەر سادق بەڕێوەبەری ناحیەی دێرەلوک بە 964ـی وت، “دوای رووداوەکە تیمەکانی بەرگری شارستانی چوونەتە شوێنی رووداوەکە و زیاترە لە 20 کاتژمێرە بەدوای تەرمی منداڵەکەدا دەگەڕێن”.
وتیشی، لە کاتژمێر 2ـی دوای نیوەڕۆی ئەمڕۆ ئاوی بەنداوی رەشاڤە لەسەر رووباری زێی گەورە دەگرنەوە بۆ ئەوەی ئاوەکە کەم بێتەوە و بتوانن بەو شێوەیە تەرمی منداڵەکە بدۆزنەوە.
پێداچوونەوە؛ شۆرش قادری
سێیەم رووداوی خنکانی ئەمڕۆ لە دهۆک بوو
