خەڵكی خانکێیە
منداڵێکی سێ ساڵان لە بەنداوی موسڵ خنکا
+964
هیڤی دێوالی-دهۆک
ئەمڕۆ چوارشەممە 31.7.2024 منداڵێک لە بەنداوی موسڵ لە ناحیەی خانکێ خنکا و تەمەنی سێ ساڵە.
ناوی منداڵەکە (ب. و)ـە و تەمەن سێ ساڵە، خەڵکی گەڕەکی زەینی ناحیەی خانکێیە لە سنووری قەزای سێمێل، منداڵەکە لەگەڵ کەسوکارەکەی رۆیشتووە لەسەر بەنداوی موسل بۆ مەلە و دوای ئەوە کەوتەوە ناو ئاوەکە و خنکاوە.
بێوار عەبدولعەزیز وتەبێژی بەرگریی شارستانیی دهۆک بە964ـی وت، تیمەکانمان ئاگادارکرانەوە لە خنکانی منداڵێکی سێ ساڵان لە ناحیەی خانکی، كە لەگەڵ خێزانەکەی رۆیشتووەتە ئەوێ و خنکاوە.
وتیشی، تیمی غەواس تەرمی منداڵەکەیان دۆزیوەتەوە و ئێستا لە پزیشکی دادی دهۆکە، پشکنینی بۆ دەکرێت و دواتر رادەستی كەسوكاری دەكرێتەوە.
بەپێی ئامارێکی بەرگریی شارستانیی دهۆک، لەسەرەتای ئەمساڵەوە تا ئێستا حەوت کەس لە پارێزگای دهۆک خنکاون.
پێداچوونەوە: ئەرسەلان عەبدوڵا
