"کوڕ و کچ شایی و هەڵپەڕکێیان دەکرد"
“ساڵان لە جەژنی قورباندا قوربانی زۆر دەکرا چونکە ئاژەڵداری هەبوو”
964+
ئاکام غەفوور -سۆران
بەقسەی مام حاجییەکی دەڤەری سۆران، ساڵانی زوو لە جەژنی قورباندا ئاژەڵ زۆر سەردەبڕدرا و قوربانی زۆر دەکرا، ئەوەش لەبەری ئەوەی کە لە کوردستان ئاژەڵداری هەبوو.
حاجی عەبدوڵا کە بە بابۆ حاجی ناسراوە و تەمەنی لە 90 ساڵ نزیک بووەتەوە، باسی جەژنی قوربانی ساڵانی زووی بۆ 964 کرد و وتی، “ئەو کات خەڵک نانی لە ماڵەوە ئامادە دەکرد و ئەوەی هەبوو دەمانبردە مزگەوت و پێکەوە نانمان دەخوارد”.
باسی لەوەشکرد، لە جەژنی قورباندا ژمارەیەکی زۆر ئاژەڵ دەکرانە قوربانی چونکە خەڵكێکی زۆر ئاژەڵدار بوون.
حاجی عەبدوڵا دەشڵێت، ساڵانی زوو لە جەژنی قورباندا گەنجەکان بە کچ و کوڕەوە لە بەیانی تا ئێوارەی جەژن شاییان دەکرد و هەڵدەپەڕین.
پێداچوونەوە؛ شۆڕش قادری
منداڵان گوێیان لە موچە نییە و جەژنانەی خۆیان دەوێ
