چەمچەماڵ.. کچێک لەنهۆمی دووەمی قوتابخانەکەی بەردەبێتەوە

+964

هۆگر عەدنان

کچێکی لەنهومی دووەمی قوتابخانەکەی بەردەبێتەوە، تەندروستی چەمچەماڵیش دەڵێ، رووداوەکە خۆکوشتن نەبووە و تەندروستیشی جێگیرە.

بەرەبەیانی ئەمڕۆ 15.2.2023، کچە قوتابییەکی تەمەن 16 ساڵ لەنهۆمی دووەمی بینای ئامادەیی مەستوورەی کچان دەکەوێتە خوارەوە و دەستبەجێ دەگەیەندرێتە نەخۆشخانەی شەهید پێشڕەو لەقەزی چەمچەماڵ.

دکتۆر فەرهاد محەمەد، بەڕێوەبەری تەندروستی چەمچەماڵ بە تۆڕی964ـی راگەیاند: تەندروستی کچە قوتابییەکە زۆرباشە و هیچ شوێنێکی نەشکاوە و مەترسی لەسەر گیانی نییە.

زیاتر وتی “بەپێی لێکۆڵینەوەکانی ئێمە، ئەوەی بووە کەوتن بووە نەک هەوڵی خۆکوشتن”.

پەیامنێری تۆڕی964 لەبەردەم قوتابخانەی مەستوورە قسەی لەگەڵ مامۆستایان و قوتابییە هاوڕێکانی کردووە، ئەوان دەڵێن دەوترێت (س. م. م) کێشە کۆمەڵایەتی هەبێت.

پێداچوونەوەی: فەرمان سادق