داهاتی ئەم هەفتەیەی سلێمانی و هەڵەبجە دوو هێندە زیادیکردووە
زیاتر لە 24 ملیار دینارە
داهاتی ئەم هەفتەیەی سلێمانی و هەڵەبجە دوو هێندە زیادیکردووە
964+
شۆڕش قادری
داهاتی نانەوتی ئهم هەفتەیهى هەردوو پارێزگای سلێمانى و هەڵەبجە زیاتر لە 24 ملیار و 345 ملیۆن دینارە و بەراورد بە هەفتەی پێشوو نزیکەی دوو هێندە زیادیکردووە.
بەپێی نوێترین داتای ماڵپەڕی شەفافیەت، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 17.5.2025 تا ئەمڕۆ هەینی 23.5.2025، بڕی 24 ملیار و 345 ملیۆن و 36 هەزار و 387 دینارە، لەکاتێدا هەفتەی پێشوو، بڕی 12 ملیار و 405 ملیۆن و 21 هەزار و 689 دینار بوو.
وەک ماڵپەڕەکە ئاشکرایکردووە، لە داهاتی ئەم هەفتەیەی پارێزگاکانی سلێمانی و هەڵەبجە، بڕی 20 ملیار و 899 ملیۆن و 580 هەزار و 687 دیناری بە شێوەی نەختینە و سێ ملیار و 445 ملیۆن و 455 هەزار و 700 دیناریشی چەکە.
ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.
ئەو بڕە داهاتە لەمانە بەدەستهاتوون: دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان.
داهاتى ئاو لە هەڵەبجە و گەرمیان و راپەڕین سفرە و مامەڵەی هاوڵاتیان راگیراوە
