دیمەنی تەقاندنەوەی مین لە ناوچەیەكی كوردستان. فۆتۆ: ئەرشیفی دەزگای مین
بۆ گەشت و گیای بەهارە مەچنە سنووری چۆمان
سبەینێ مین و تەقەمەنی لەناو دەبرێن و مەترسن
964+
توانا نەقی
دانیشتووانی قەزای چۆمان و چەند ناحیەیەکی ئاگادار دەکرێنەوە کە سبەینێ مین و تەقەمەنی دەتەقێنرێنەوە و لەناودەبرێن بۆیە لە دەنگەکەی نەترسن.
بەڕێوەبەرایەتی گشتی کاروباری مینی هەولێر بڵاویکردەوە، سبەینێ چوارشەممە 21.5.2025 کاتژمێر 12ـەی نێوەڕۆ مین و تەقەمەنی لەناو دەبرێن بۆیە دانێشتوانی قەزای چۆمان و ناحیەکانی گەڵاڵە و سمیلان ئاگادار دەکرێنەوە کە دەنگی تەقینەوەکان بەرز دەبێت.
دەشڵێت، تەقەمەنییەکان جۆراوجۆرن و پاشماوەی جەنگین و لە بەرزاییەکانی چیای بەردەبووک لەناودەبرێن.
داواش لە هاوڵاتیان دەکرێت بە هیچ مەبەستێکی گەشتیاری و کۆکردنەوەی گیای بەهارە و لەوەڕاندنی مەڕوماڵات لەو ناوچەیە نزیک نەبنەوە و لە دەنگە بەهێزەکەش نیگەران نەبن.
