لە گوندێکی تەقتەق
منداڵێک کەوتە ژێر ئۆتۆمبێلی خاڵی و گیانی لەدەستدا
964+
گۆڤەند فەتاح – تەقتەق
لە گوندی کەپەنەکی نزیک قەزای تەقتەق، منداڵێکی تەمەن یەک ساڵ و نیو و بە رەچەڵەک عەرەبی خەڵکی فەلوجە، کەوتە ژێر ئۆتۆمبێلی خاڵی و گیانی لەدەستدا.
عەبدوڵڵا جاسم، پزیشک لە نەخۆشخانەی گشتیی تەقتەق، بە 964ـی وت، “کەمێک لەمەوبەر لە گوندی کەپەنەک منداڵێک کەوتووەتە ژێر ئۆتۆمبێلی خاڵی و دەستبەجێ گیانی لەدەستداوە”.
ئاماژەی بەوەشکرد، خاڵی بەهەڵە بە ئۆتۆمبێل لەو منداڵەی داوە و بێ ئاگابووە، دوای ئەنجامدانی رێکارەکانی نەخۆشخانە، تەرمەکەی رەوانەی پزیشکی دادی کۆیە کراوە.
وتیشی، خێزانەکە خەڵکی فەلوجەی خوارووی عێراقن، لە گوندی کەپەنەکی نزیک قەزای تەقتەق نیشتەجێن و دوای رووداوەکە شۆفێری ئۆتۆمبێلەکە دەستگیرکراوە.
پێداچوونەوە؛ شۆڕش قادری
لە رووداوێکی هاتوچۆ لە رێگەی دەشتی کۆیەدوو کەس گیانیان لە دەست دا
