بەشێوازێکی مۆدێرن و سەردەمیانە
شەقامەکانی ناو بازاڕی دهۆک نۆژەن دەکرێنەوە
964+
هێڤی دێوالی – دهۆک
نزیکەی هەفتەیەکە شارەوانی دهۆک پڕۆژەی “سیتی سەنتەر دهۆک”ـی دەستپێکردووە، بەشێک لە شەقام و بازاڕەکانی تێکداوە بە مەبەستی نۆژەن کردنەوەیان، زیاد کردنی رێژەی سەوزایی بازاڕەکە.
شێروان حەسەن، وتەبێژی سەرۆکایەتی شارەوانی دهۆک بە964ـی وت، “بەدرێژایی نۆ کیلۆمەتر شۆستە و چوار کیلۆمەتریش شەقامەکانی ناو بازاڕی دهۆک نۆژەندەکرێنەوە، پرۆژەکە بە دوو قوناغ جێبەجێ دەکرێت، سەرەتا بە رووخاندن و زیادەڕۆیی سەر شۆستەکان لادەبەین، لە قوناغی دووەمیشدا دەست بە رووخاندنی شەقامەکان دەکەین.
وتیشی، بەشێوازێکی مودرێن و سەردەمیانە شووستەکانی لەناو بازاڕ دروستدەکرێنەوە، شوێنی نابینا و خاوەن پێداویستی تایبەت دەبێت، بڕیاریشە هەزار نەمام بچێنین بۆ زیادکردنی رێژەی سەوزایی لە ناو بازاڕەکە.
باسی لەوەشکرد، ماوەی تەواو بوونی پڕۆژەکە یەک ساڵە و بڕی بودجەی تەرخان کراو بۆی سێ ملیار و 408 ملیۆن دینارە.
پێداچوونەوە: ژێوار خدر
