ئەو خێزانەى لە هەولێر تووشى رووداوى هاتوچۆ بوون سیانیان گیانیان لەدەستداوە

964+

وریا فەتاح

دواى ئەوەى خێزانێکى خەڵکى هەولێر بە ئۆتۆمبێلەکەیان لە بەغدا تووشى رووداوى هاتوچۆ دەبن، سیانیان گیانیان لەدەستداوە و تەنیا یەک منداڵیان دەرچووە.

ئەریوان حەمەئەمین کە هاوڵاتییەکى کوردى شارى سلێمانییە و ئیش و کارى لە بەغدایە، بە 964ـى وت،”دواى بیستنى هەواڵەکە یەکسەر بۆ بەهاناوەچوونى ئەو خێزانە خۆمان گەیاندە نەخۆشخانە”.

وەک باسى دەکات، لە رووداوەکەدا، دایک و باوکێک و منداڵێکیان گیانیان لەدەستداوە و ئێستا لە پزیشکى دادین، بەڵام یەکێک لە منداڵەکان بریندارە.

ئەریوان و هاوڕێیەکى ئێستا لە نەخۆشخانەکە لاى منداڵەکەن، وەک ئەوەى باسى دەکات، تا کەسوکارەکەى نەگەن جێى ناهێڵین.

بە وتەى ئەریوان، کەسوکارى ئەو خێزانە لە هەولێرەوە بەرەو بەغدا بەڕێکەوتوون و لە کاتژمێر 5:00، خالسیان تێپەڕاندووە.

زیاتر دێت….