لە بارەگاى نەتەوە یەکگرتووەکان
ئاڵاى نوێى سوریا لە ئەمەریکا بەرز کرایەوە
964+
وریا فەتاح
دواى چوار مانگە لە کەوتنى ئەسەد، نەتەوە یەکگرتووەکان ئاڵای نوێی سێ ئەستێرەی سوریاى لە تەنیشت ئاڵای 192 وڵاتی دیکەی ئەندام و 2 چاودێری هەمیشەیی لە بارەگاکەی لە نیویۆرک بەرز کردەوە.
بەرەبەیانی رۆژى یەکشەممە 8.12.2024، دوای 53 ساڵ لە دەسەڵاتداری بنەماڵەی ئەسەد، هێزەکانی ئۆپۆزسیۆن چوونە ناو دیمەشقی پایتەختی سوریا و سەرۆک کۆمار هەڵات و حکومەتەکەی ئەسەد کەوت.
ئاڵاکە لەلایەن ئەسعەد شەیبانى، وەزیرى دەرەوەى سوریا، لە نیۆرک بەرز کردەوە.
دواى کەوتنى ئەسەد، ئاڵایەکى نوێ بۆ سوریا پەسەند کرا کە سێ رەنگە( سەوز، سپی و رەش لەگەڵ سێ ئەستێرەى سوور)، پێشتر وەک رەمزی قۆناغی نوێ نەیارانی ئەسەد لە کاتی ناڕەزایەتییەکاندا هەڵیانکردبوو، وەک ئاڵای فەرمی وڵات.
ئاڵاکە پێشتر لە رووسیا و رۆژئاواى کوردستانیش وەک ئاڵاى نوێى سوریا دانیپێدانرا و هەڵکرا.
