والی داعش لە دیالە کوژرا
+964
راژان باجەلان – خانەقین
سوپای عێراق کوژرانی والی داعشی لە پارێزگای دیالە راگەیاند و دەڵێ: کردەکە لە ئۆپراسیۆنێکدا بووە.
یەحیا رەسوڵ، وتەبێژی فەرماندەی گشتی هێزە چەكدارەكانی عێراق کوژرانی والی داعشی لە پارێزگای دیالە راگەیاند.
ئێوارەی ئەمڕۆ یەكشەممە 12.2.2023، وتەبێژی گشتی فەرماندەی چەکدارانی عێراق لەتۆڕی کۆمەڵایەتی فەیسبووک بڵاویکردەوە، هێزی ئاسمانی نیشتمانی عێراقی لە ئۆپراسیۆنێکدا ژمارەیەك چەكداریان کردە ئامانج کە لەناویاندا سامی مۆغان بزیعە کە پلەی والی داعشە لە پارێزگای دیالە، کوژراوە.
ئۆپراسیۆنەكە لەڕێگەی فڕۆكەی سەربازی و هەواڵگریەی عێراقیەوە ئەنجامدراوە، بەهاوكاری ژووری چاودێری وردی نیشتمانی سوپای عێراق.
پێداچوونەوەی: فەرمان سادق