قوشتەپە
لە رووداوێکى هاتوچۆدا کەسێک گیانى لەدەست دا
964+
عەبدولعەزیز خالند – هەولێر
نیوەڕۆى ئەمڕۆ، لە کاتێکدا کە رووداوێکى هاتوچۆ لە نێوان دوو ئۆتۆمبێل لە جۆرەکانى لانسەر و بارهەڵگرێکدا روودەدات، تاکسییەکى جۆرى سەنى دێت و خۆى دەکێشێت بە هەردوو ئۆتۆمبێلەکەى تردا و بەهۆیەوە کەسێکى تەمەن 55 ساڵ گیان لەدەست دەدات و کوڕەکەشى بریندار دەبێت.
رووداوەکە لە نزیک گوندى سێنارەى سنوورى قوشتەپە روویداوە.
حاجی ئارام، بەڕێوبەری توێکاری هەولێر، بە 964ـى وت،”تەرمەکە گەیەندراوەتە پزیشکى دادى و دواى ئەنجامدانى توێکارى بۆ تەرمەکەى رادەستى کەسوکارى دەکرێتەوە”.
هاوڕێ قوشتەپەیى کە شایەدحاڵى رووداوەکە بووە، بەم شێوەیە بۆ 964ـى گێڕایەوە،”کاتێک دوو ئۆتۆمبێلەکە بەیەکیاندادا، تاکسیەکە لە دواى ئەوانەوە دێت و خۆى دەکێشێت بە هەردوو ئۆتۆمبێلەکە”.
وەک باسى دەکات، لە تاکسیەکەدا کوڕ و باوکێک هەبوون، باوکەکە گیانى لەدەستداوە و کوڕەکەى بریندارە.
پێداچوونەوە: وریا فەتاح
