رێستۆرانتێک لە ناوجەرگەى هەولێر ئاگرى گرت

964+

ئەحمەد شەمزینى

رێستۆرانتێک لەناوجەرگەى هەولێر ئاگرى گرت، جگە لە زیانى مادى ئاگرەکە بەبێ زیانى گیانى کۆنتڕۆڵکرا.

ئەو شوێنەى سوتاوە جەمەلۆن و کەلوپەلەکانى بەشى سەرەوەى رێستۆرانتى کوخە کە دەکەوێتە نزیک قەڵاى هەولێر.

بە وتەى محمود خالید کە خاوەنى چێشتخانەکەیە، جگە لە زیانى مادى کە کەمێک بووە، زیانى گیانى نەبووە و ئاگرەکەش بەهۆى شۆرتى کارەباوە روویداوە.

دەشڵێت: 25 بوتڵى ئاگرکوژێنەوەیان بەکارهێناوە و لەگەڵ تیمێکى بەرگرى شارستانى ئاگرەکەیان کۆنتڕۆڵ کردووە.

پێداچوونەوە: وریا فەتاح