964+

شۆڕش قادری

وەزری بەهارە و گوندنشینان بۆ کۆکردنەوەی گژوگیا روودەکەنە کوێستانەکان، بەڵام لە ناوچەی برادۆست، بەقسەی ئەندامێکی رێکخراوى (CPT)ـى ئەمریکی، سوپای تورکیا بازگەی داناوە و نایەڵێت، گوندنشیانی دەڤەرەکە مەنفە‌عەت لەو نێعمەتە سروشتی و خوداییە ببینن.

کامەران عوسمان، رێکخەرى تیمى کوردستانى رێکخراوى (CPT)ـى ئەمریکی بە 964ـی وت، “لە رۆژی 31ـی ئازاردا، گوندنشینانی شارەدێی بەرمیزە لە قەزای سیدەکان لە پارێزگای هەولێر، بۆ کۆکردنەوەی گژوگیای بەهارە روویان کردە چیای ئاودەل کێوی و مێرگی سەرچەمان، لەسەر رێگای گوندنشینەکان سوپای تورکیا بازگەیەکی جێگیرکردووە و دوای وەرگرتنی ناسنامە و کارتی نیشتیمانی لێیان، رێگەیان بە گوندنشیناندا کە بچن بۆ کردنەوەی گژوگیا، لە سنورێکدا کە سەربازەکان بۆیان دیاریکردبوون و بەو مەرجەی کە وێنە و ڤیدیۆی ناوچەکە نەگرن”.

ئاماژەی بەوەشکرد، لەکاتی گەڕانەوەیاندا، سەربازانی سوپای تورکیا بە گوندنشینانیان وتووە، کە تاوەکو رۆژی 7ـی نیسان مۆڵەت بە هیچ کەسێک نادەن بچنە ئەو شوێنە بۆ کۆکردنەوەی گژوگیا و لەو رۆژەشدا تەنیا لە کاتژمێر 6ـی بەیانی تا 4ـی دوانیوەڕۆ رێگەپێدان هەیە.

گوندنشینان بەڕێگاوەبوون بۆ مێرگی سەرچەمان بۆ کۆکردنەوەی گژوگیا، سەربازانی تورک لە بازگەکەیان رێگەیان لێگرتن و رێگەیان نەدا کە گوندنشینان تێپەڕببن

بەقسەی کامەران عوسمان، “کاتێک ئەمڕۆ دووشەممە 7.4.2025 گوندنشینان بەڕێگاوەبوون بۆ مێرگی سەرچەمان بۆ کۆکردنەوەی گژوگیای بەهارە، سەربازانی تورک لە بازگەکەیان، رێگەیان لێگرتن و رێگەیان نەدا کە گوندنشینان تێپەڕببن”.

باسی لەوەشکرد، شارەدێی بەرمیزە، یەکەم شوێنە کە سوپای تورکیا لە دوای شکستی پڕۆسەی ئاشتی ساڵی 2015، بارەگای سەربازی تێدا دروستکردبێت.

بۆ گژوگیای بەهارە مەچنە ئەم گوندە

"سوپای تورکیا سەدان داری بەرداری لە سنوری ئامێدی بڕیوەتەوە"

964+

ئەحمەد مستەفا

هەر دوای کۆبوونەوەکەیان لەگەڵ ئەردۆغان کە کاتژمێرێک و 25 خولەکی خایاند، سری سورەیا ئۆندەر، ئەندامی شاندی ئیمراڵی رایگەیاند، دیدارەکەمان زۆر ئەرێنی بووە، ئێستا هیواکانمان مەزنترن.

ئەمڕۆ، هەریەک لە سری سورەیا ئۆندەر و پەرورین بوڵدان، ئەندامانی شاندی ئیمرالی دەم پارتی، دوای بانگەوازەکەی رێبەری پەکەکە عەبدوڵا ئۆجالان، لە کۆشکی سەرۆکایەتی تورکیا، لەگەڵ رەجەب تەیب ئەردۆغان، سەرۆکی گشتیی ئاکەپە و سەرۆک کۆماری تورکیا کۆبوونەوە.

کۆبوونەوەکە، کاتژمێرێک و 25 خولەکی خایاند، دوای دیدارەکە سری سورەیا ئۆندەر رایگەیاند، دیدارێکی زۆر ئەرێنی بوو، ئێستا هیواکانمان مەزنترن، لەم بابەتەدا رۆڵی بەڕێز سەرۆک کۆمار زۆر گرنگە، دەمانەوێت ئاشتی پێکبهێنین.

پێشتر، رەجەب تەیب ئەردۆغان لە کۆبوونەوەی فراکسیۆنی پارتەکەی لە پەرلەمان وتی، پێشوازیی لە شاندی دەم پارتی دەکەین و لەگەڵیان کۆدەبینەوە، وەک هاوپەیمانی گەل بە گرنگی و ئارامییەوە درێژە بە پرۆسەکە دەدەین.

ئاماژەی بەوەشکرد، بە تورک، کورد، عەرەب، عەلەوی و سوننی، بەردەوام دەبین لە هەوڵەکانمان بۆ بنیاتنانەوە و پێشخستنی وڵاتەکەمان و ناوچەکەمان.

شاندی ئیمڕاڵی سه‌ردانى باخچه‌لى و سه‌رۆكى په‌رله‌مانى توركیا ده‌كه‌ن