هەزار و 628 فەرمانبەری کۆمسیۆنی باڵای هەڵبژاردنەکانی عێراق لە هەرێمی کوردستان زەوی وەردەگرن

964+

ژێوار خدر

فەرمانبەرانی کۆمسیۆنی باڵای هەڵبژاردنەکانی عێراق لە هەرێمی کوردستان زەوییان بەسەردا دابەشدەکرێت.

حکومەتی هەرێمی کوردستان، ئەمڕۆ دووشەممە 7.4.2025 رایگەیاند، زەوی بەسەر هەزار و 628 فەرمانبەری كۆمسیۆنی باڵای سەربەخۆی هەڵبژاردنەكانی عێراقدا لە هەرێم دابەش دەكرێت.

دەشڵێت، زەوی بەو مەرجە بەسەر ئەو فەرمانبەرانەدا دابەشدەکرێت، کە  پێشتر سوودمەند نەبووبن و هەمان ئەو مەرجانەیان لەسەر جێبەجێ بكرێت كە لەسەر فەرمانبەرانی حكومەتی هەرێم جێبەجێ دەكرێت.

روونیشیکردووەتەوە، ژمارەی فەرمانبەرانی هەریەك لە دەستەی هەڵبژاردنەكانی هەرێمی كوردستان، نوسینگەی هەڵبژاردنەكانی پارێزگای هەولێر، نوسینگەی هەڵبژاردنەكانی پارێزگای سلێمانی و نوسینگەی هەڵبژاردنەكانی پارێزگای دهۆك دیاری كراون كە هەزار و 628 فەرمانبەرن.

پرۆسەی دابەشکردنی زەوی بەردەوامە و 240 هەزار فەرمانبەر تۆمار کراون