لەلایەن شارەوانی هەولێرەوە

شەقامەکانی لەنگەی کۆن، نوێ و دوو سایدی منارە رێکخرانەوە

964+

ژێوار خدر

شارەوانی هەولێر لەپێناو کەمکردنەوەی مەترسییەکانی کەوتنەوەی ئاگر چەند بازاڕ و شەقامێکی شارەکەی رێکخستەوە.

سەرۆکایەتی شارەوانی هەولێر رایگەیاند، دوێنێ 3.4.2025 هەر یەک لە بازاڕەکانی لەنگەی کۆن، لەنگەی نوێ و دوو سایدی منارەیان رێکخستووەتەوە.

دەشڵێت، هەڵمەتەکە لەلایەن بەڕێوەبەرایەتی شارەوانی چوار بە هەماهەنگی لەگەڵ پۆلیسی شارەوانی ئەنجامدراوە و هۆشداریشییان داوە بە سەرجەم دوکاندار و کاسبکارانی ئەو ناوچەیەش بۆ پاراستنی پاک و خاوێنی شۆستەو شەقامەکان و

دروست نەکردنی ئاستەنگی هاتووچۆ لەسەر موڵکی گشتی.

باسی لەوەشکردووە، کە دوکاندارەکان داوایان لێکراوە، کە پەردەکانی بەردەم دوکانەکانیان لابدەن لەپێناو دوورکەوتنەوە لە مەترسیەکانی ئاگر کەوتنەوە و رووداوی نەخوازراو .