لە سێ رۆژی جەژندا هیچ تاوانێک لە سۆران رووی نەداوە 

توانا نەقی

پلانی ئەمنی بەڕێوەبەرایەتی پۆلیسی سۆران بۆ رۆژانی جەژن بەسەرکەوتووی جێبەجێ کرا، ئەمە قسەی پۆلیسی سۆرانە و دەڵێت هیچ تاوانێک ئەنجام نەدراوە.

ئەمڕۆ چوارشەممە، پۆلیسی سۆران بڵاویکردەوە، پۆلیسی سۆران بە هەماهەنگی ئاسایش و ئاسایشی مێرگەسۆر و هاتوچۆ و بەرگری شارستانی پلانە ئەمنیەکەی جەژنی بەسەرکەوتووی جێبەجێ کردووە.

دەشڵێت، لە ماوەی سێ رۆژی جەژنی رەمەزاندا هیچ تاوانێک لە سنوورەکەیان ئەنجام نەدراوە و هێزەکانیان لە ناوچە گەشتیارییەکان هەر لە حاڵەتی ئامادەباشیدان.

پۆلیس سوپاسی خەڵکی ئیدارەی سۆرانئش دەکەن کە هاوکاریان بوون لە رێگریکردن لە کێشە و ئەنجامدانی تاوان لە سنوورەکەیان.