ماتۆڕسوارێک و سەرنشینێكی لەگەڵی گیانیان لەدەست دا

+964

عەبدولعەزیز خالند – هەولێر

لە رووداوێكی هاتوچۆدا ماتۆڕسكیلێک خۆی بە دارێك كێشا لە شەقامی شەست مەتریی هەولێر، لە ئەنجامدا ماتۆڕسوارەكە و سەرنشینێک، كە لەگەڵیدا بووە، گیانیان لەدەست دا.

سەرچاوەیەک لە نێو پزیشکی دادی بە 964ی وت، نیوەڕۆی ئەمڕۆ نزیکی کاتژمێر یەک، لەسەر شەقامی 60 مەتری لە نزیک چوارڕیانی شەقامی ئەلبان، ماتۆڕسکیلێک خۆی كێشاوە بە یەکێک لە دارەکانی شەقامەکە و لە ئەنجامدا دوو کەس گیانیان لەدەست دا، كە ماتوڕسوارەكە و سەرنشینیكی بوون”.

یەکێک لە کەسوکارەکانی یەكێك لەو هاوڵاتییانەی گیانیان لەدەست دا، بە 964ی وت، “محەمەد حەسەن و ماردین محەمەد، کە خزمی یەکترن و تەمەنیان 18 ساڵان و 22 ساڵانە، بەهۆی رووداوەكە گیانیان لەدەستداوە”.

پێداچوونەوە: ئەرسەلان عەبدوڵا