ئەمڕۆ هەر هەور و باران دەبێت

964+

ئەرسەلان عەبدوڵا

كەشناسیی هەرێمی كوردستان رایگەیاند، ئەمڕۆ ئاسمان بە گشتی هەور دەبێت و تاوەباران و بروسكەش بەردەوام دەبن.

بەشی كەشناسی لە وەزارەتی گواستنەوە و گەیاندنی هەرێم، رەوشی سەقای ئەمڕۆ چوارشەممە 2.4.2025ی بڵاوكردەوە و تێیدا ئەوە روونكراوەتەوە، ئاسمان بە گشـتى هەوری تەواو دەبێت لەگەڵ بەردەوامی دابارینی تاوە باران و بروسکە لەناوچە جیاجیاکانی هەرێم، زیاتریش لە ناوچە شاخاوییەکان کاریگەریی دابارین زیاتر دەبێت، پاشان بۆ کاتەکانی ئێوارە کەش سەقامگیر دەبێتەوە و ئاسمان بۆ نیمچە هەور دەگۆڕێت، تەنیا لە بەشی باکوور و باکووری رۆژئاوای هەرێم و پارێزگای دهۆک کاریگەری شەپۆڵەکە تا درەنگانی شەو دەمێنێ.

ئەوەشیان خستووەتەڕوو، خێرایى با  لەسەرخۆ و مام ناوەند دەبێت بە خێرایی  15- 25 كیلۆمەتر لە سەعاتێكدا، هەندێ کاتیش چالاک دەبێت بۆ سەرووی 35 کیلۆمەتر، هەروەها ئاراستەی با بەرەو باکووری خۆرئاوا بۆ باشووری خۆرهەڵات دەگۆڕێت .

سەبارەت بە پلەكانی گەرماش، كەشناسی دەڵێت، پلەکانی گەرما 2-3 پلە نزم دەبێتەوە، بەراورد بە تۆمارەکانی دوێنێ، جگە لەوە مەوداى بینین /( 7 – 9) کم دەبێت، لەکات و شوێنی دابارینیشدا ( 4-6 ) کم دەبێت

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ:

هەولێر : 27 پلەی سیلیزی

سلێمانی : 25 پلەی سیلیزی

دهۆک : 23 پلەی سیلیزی

کەرکوک : 29 پلەی سیلیزی

زاخۆ: 22 پلەی سیلیزی

هەڵەبجە : 22 پلەی سیلیزی

سۆران : 24 پلەی سیلیزی

حاجی ئۆمەران : 13 پلەی سیلیزی

گەرمیان :31 پلەی سیلیزی

ئاكرێ: 23 پلەی سیلیزی

ئەمڕۆ كەشوهەوای جەژن باران و سەرما و بروسكەی تێدەكەوێت