وەزیری ناوخۆی هەرێم لە لووتكەی ئاسایشی سنوور لە بەریتانیا، فۆتۆ: وەزارەتی ناوخۆ
لە بەریتانیا
وەزیری ناوخۆی كوردستان بەشداریی لووتكەی ئاسایشی سنوور دەكات
964+
ئەرسەلان عەبدوڵا
وەزیری ناوخۆی کوردستان لە بەریتانیایە بۆ بەشداریکردن لە لوتکەی ئاسایشی سنوور
وەزارەتی ناوخۆی هەرێمی كوردستان بڵاویكردەوە، لەسەر داوەتنامەی فەرمی وەزارەتی ناوخۆی حکومەتی بەریتانیا، وەزیری ناوخۆ رێبەر ئەحمەد لە بەریتانیا بەشداریی لووتکەی ئاسایشی سنوور دەكات.
وەزارەتی ناوخۆ لە راگەیاندراوەكەیدا ئەمڕۆ دووشەممە 31.3.2025 بڵاویكردەوە، وەزیری ناوخۆی هەرێم گەیشتووەتە بەریتانیا و لە لووتكەی ئاسایشی سنوور بەشدار دەبێت، کە وەزیرانی ناوخۆ و داد و بەرپرسانی ئاسایشی سنووری ژمارەیەکی زۆری وڵاتان بەشداریی تێدا دەکەن.
لووتكەكە ئەمڕۆ دەست بە كارەكانی دەكات و ئاماژە بەوەش كراوە، رێبەر ئەحمەد دوێنی ئێوارە لەگەڵ وەزیری ناوخۆی بەریتانیا یێڤیت کوپەر، وەزیری ناوخۆی ئەڵمانیا، وەزیری کۆچی هۆڵەندا، وەزیری دادی سوید، وەزیری کۆچی چین، وەزیری ناوخۆی بولگاریا، وەزیری ناوخۆی حكومەتی فیدراڵیی عێراق و ژمارەیەک وەزیر و بەرپرسانی سنوور و ئاسایشی وڵاتانی دیکە دیداری هەبووە.
بە پێی راگەیاندراوی وەزارەتی ناوخۆی كوردستان، لووتكەكە دوو رۆژ دەخایەنێت و رێبەر ئەحمەد لە پانێڵی یەکەمدا یەکێک بێت لە پانێلیستەکان و وتارێک پێشکەش بکات.
