وێنەکێشەکەی دیوارەکانی سەهۆڵەکە وادەڵێت
“لە کوردستان شتێکمان نییە بەناوی دیواربەند”
964+
دیلان محەمەد- سلێمانی
هونەرمەندی شێوەكار رەئوف حەسەن، کە یەکێکە لە شێوەکارە دیارەکانی شارە حەیاتەکە وەک جاران حەوسەڵەی کێشانی تابلۆکانی سەر دیوارەکانی سەهۆڵەکەی نەماوە و دەشڵێت، لە کوردستان شتێکمان نییە بەناوی دیواربەند.
لە لێدوانێکی تایبەتدا بۆ 964 رەئوف حەسەن دەڵێت، ئەو چوار جار وێنەی دیوارەكانی سەهۆڵەكەی كێشاوە، هونەری دیواربەند كاریگەریەكی زۆری لەسەر هاونیشتیمانیان هەیە و دەبێت بە وریایەوە كاری لەسەر بكرێت.
بە بۆچونی ئەو هونەرمەندە لە هەرێمی كوردستان شتێكمان نییە بەناوی هونەری دیواربەند، بەداخەوە تائێستاش هەر بە شێوازێكی تەقلیدی ئەم هونەرە ئەنجامدەدرێت ، لەگەڵ ئەوەشدا دیواربەندی جوانكراوە و هاوڵاتیان چێژی لێ دەبینن.
پێداچوونەوە: محەمەد فاتح
